TAZAMA NA UTAFAKARI!!!!!

MAIGIZO YA MAISHA YETU KIBONGO BONGO

Hawa hapa ni wazee wa kikiji kimojawapo katika Wilaya ya Bukombe Mkoani Geita, walikuwa katika mkutano wa wazi wa kisiasa uliofanywa chini ya uongozi wa chama cha demokrasia na maendeleo Chadema, lakini wazee awa kabla ya kuanza kwa mkutano walianza maigizo kwa lengo la kutoa elimu juu ya wananchi jinsi wanavyonyanyasika kutokana na baadhi ya viongozi serikalini kuwa mafisadi na hapo wanaonyesha jinsi maisha ambavyo ni mabaya kwa watu ambao wanaishi vijiji huku mafisadi wanapeta mwome mzee mmoja ana mvi na anaonyesha maisha yake yalivyo mazuri na mwingine maisha yake ndo hivyo tena mwisho wanasema viongozi mafisadi ni sawa na mashetani

NYUMBA ZETU BAADA YA MADINI KUANZA KUCHIMBWA KIJIJINI KWETU

NUKUU...."KAKA KARIBU HIZI NI NYUMBA ZETU NZURI TUMEJENGEWA NA SERIKALI YA KIKWETE AMBAYO INASEMA MAISHA BORA KWA KILA MTANZANIA TULIACHA NYUMBA ZETU MBAYA KUPISHA MWEKEZAJI WA MADINI MGODI WA GGM NA SERIKALI IMEBORESHA MAISHA YETU KWA KUTUJENGEA NYUMBA HIZI TUNAMSHUKURU KIKWETE HAPA NI MKOA WA GEITA WENYE MADINI MENGI, HAYO NI MANENO YA DADA HUYU AMBAYE ALIFUKUZWA PAMOJA NA WENZAKE ZAIDI YA KAYA 86 KWA AJILI YA KUPISHA MWEKEZAJI DADA HUYU ANASEMA TANGU MWAKA 2007 WANAISHI MAISHA YA JINSI HIYO HUKU WASIJUE HATIMA YA MAISHA YAO KAMA HAITOSHI WATOTO SASA HAWAENDI SHULE. JAMANI HII NI SERIKALI YA VIONGOZI SIKIVU , NAIPENDA TANZANIA NAUPENDA UPOLE WA WATANZANIA NATAMANI ELIMU INGEKUWA KUBWA TAFAKARI NDG"

UNAWEZA KUKUBALIANA NA MIMI KUWA ALIYESHIBA HAMJUI MWENYE NJAA, BIBI HUYU ALIKUWA NA ASHAMBA MIFUGO, NYUMBA NZURI NA MAISHA YAKE NA FAMIIA YAKE YALIKUWA MAZURI, MWAKA 2007 UONGOZI WA MKOA WA GEITA KWA KUSHILIKIANA NA MGODI WA DHAHABU WA GEITA(GGM) ULIWATAKA WANANCHI AMBAO WALIKUWA NA MALI ZAO KUONDOKA MARA MOJA KUPISHA MGODI HUO, KWA AHADI KUWA WATALIPWA LAKINI CHA KUSIKITISHA HADI LEO HAKUNA FIDIA YOYOTE NYUMBA ZAO NDO HAYO MAHEMA MWONE BIBI AMBAYE ALIKUWA NA MAISHA MAZURI SASA ANAISHI KAMA MKIMBIZI KATIKA NCHI YAKE, ZAIDI MKURUGENZI WA HALMASHAURI YA GEITA BW,ALLI KIDWAKA ANASEMA HAJUI KAMA KUNA WATU WANAOISHI KATIKA MAHEMA MABOVU KAMA HAYA LAKINI ANAJUA KUWA WANADAI NA KUNA MIGOGORO MINGI JAMANI TANZANIA TANZANIA WATU WANAKUFA NA KUTESEKA KWA AJILI YA WAWEKEZAJI TAFAKARI

JAMANI WATOTO UKIONA HAPA UTADHANI NI MAIGIZO LAKINI NI NYUMBA YA KUISHI WATU NA WATOTO AWA WANAISHI KATIKA NYUMBA HIZO HATA HIVYO AWANA FURSA YA KWENDA SHULE SI KWAMBA WALIZALIWA HAPO BALI WALIPISHA UCHIMBAJI WA MADINI YA MGODI WA DHAHABU GEITA GGM TANGU 2007 HADI LEO HAKUNA LOLOTE WALILOFANYIWA JAMANI TAFAKARI KAMA ANGEKUWA MWANAO.

SANAA NA UBUNIFU, PANZI WA KUCHONGWA HUYU HAPA

Huyu ni panzi wa kuchonga anapatikana katika mji mdogo wa Ushirombo,Wilaya ya Bukombe Mkoani Geita kwa sasa mnaweza kuagiza kwa ajili ya mapambo kwa mawasiliano zaidi nipigie simu ama tumia mtandao

BIFU ZITO POLISI NA FAMILIA YA MAREHEMU , USHIROMBO

HALI imezidi kuwa tete katika jeshi la polisi kituo cha Ushirombo kutokana na familia kuapa kulipiza kisasi kwa jeshi la polisi mjini hapo kutokana na mauaji ya kinyama ambayo yaliyofanywa na askari polisi kwa kumfyatulia risasi na kumuua hapo hapo kijana ambaye alifahamika kwa jina la Rashidi Juma (23).

Mauaji hayo ambayo yalifanyika juzi katika maeneo ya Kilima hewa kwa askari wa jeshi la polisi katika kituo cha Ushirombo Mkoani Geita ambaye amefahamika kwa jina la PC Emma G4 tofauti na ilivyokuwa imesemekana kuwa muuaji ni Manase familia kwa sasa imedai kuwa jeshi la polisi linatakiwa kuwajibishwa.

Mauaji hayo ambayo yalitokana na sakata la jeshi la polisi kumshika Mabura Mayala (40)ambaye anatuhumiwa kwa ujambazi kutokana na kujificha kati ya nyumba ambazo zipo maeneo hayo.

Kwa mujibu wa maelezo ya askari polisi pamoja na wananchi zinaeleza kuwa baada ya wananchi kubaini kuwa kuna mtu ambaye walimjengea mashaka walipiga simu polisi kwa lengo la kuomba masaada wa polisi ili akamatwe.

Hata hivyo habari zinasema kuwa baada ya kumkamata mtuhumiwa huyo wananchi walianza kupiga kelele na kulitaka jeshi la polisi lililohusika na kumkamata mtuhumiwa huyo kumwacha ili wananchi waweze kujichukulia hatua ya kumpiga na kumuua jambo ambalo lisingekuwa rahisi kufanya hivyo.

Kwa mujibu wa shuhuda ambao waliona tukio hilo ndopo askari tajwa alipoamua kumlenga risasi kijana huyo ambaye alimpiga risasi katika sehemu ya nyonga na kumuua hapo hapo.

JESHI LA POLISi LAWAMANI TENA , ASKARI WAKE AUA

JESHI la polisi nchini limeendelea kuandamwa na mzimu wa mauaji ya raia wasiokuwa na hatiai baada askari polisi aliyefahamika kwa jina moja la (Manase) kutuhumiwa kumpiga mwananchi na kusababisha kifo.

Hali hiyo imejitokeza jana katika kituo cha polisi cha Ushirimbo Wilaya ya Bukombe Mkoani Geita, ambapo askari polisi alimpiga risasi na kumuua kijana ambaye alifahamika kwa jina la Rashid Juma (23).

Tukio la polisi kumuua kijana huyo lilisababisha tafrani kubwa baina ya polisi na wananchi wenye hasira kali kwa kuvamia kituo hicho kwa lengo la kulipiza kisasi kwa kuchoma moto kituo hicho na kutaka askari aliyehusika na mauaji ya kijana huyo naye auwawe.

Mbunge wa Bukombe Profesa, Kulikoyela Kahigi(kulia), CHADEMA, akipokea maelezo kutoka kwa Mganga Mkuu wa Hospitali ya Wilaya ya Bukombe Dk. Archard Rwezahura, aliyevaa shati la kitenge jinsi alivyopokea maiti ya kijana huyo ambaye alipigwa risasi na Polisi na kufikishwa hospitali hapo akiwa amefariki. 

>>>>Hata hivyo askari walilazimika kutumia nguvu nyingi kwa kurusha mabomu ya machozi, risasi za moto na risasi baridi kwa ajili ya kuwatawanya wananchi hao ambao walikuwa wakirusha mawe kwa lengo la kuwajeruhi askari hao na  kuharibu mali za kituo hicho.

Tukio hilo lilitokana na askari ambao walikwenda kumkamata mtu ambaye anadaiwa kuwa ni jambazi na aliyesadikiwa kuwa alikuwa amejificha katika nyumba ambayo ipo katika mtaa wa kilimahewa mjini Ushirombo.

Ambapo askari hao walifanikiwa kumkamata mtuhumiwa huyo na kumweka ndani ya gari. Baadhi ya wananchi walionekana kulizingira gari hilo huku wakitaka mtuhumiwa huyo atolewe kwenye gari ili auwawe.

Katika kukabiliana na hali hiyo askari walilazimika kufyatua risasi juu kwa lengo la kuwatawanya wananchi na ndipo askari mmoja alipo mlenga kijana huyo risasi ya kiunoni na kijana huyo kupoteza maisha hapo hapo.

WACHIMBAJI MKOANI GEITA KUIBURUZA SERIKALI MAHAKAMANI

KIKUNDI cha umoja wa wachimbaji  wadogo wadogo wa madini ya dhahabu (Shilabela Gold Mining Co-operative Society  Limited) katika eneo la Lulembela Wilayani Bukombe Mkoani Geita wametishia kuiburuza serikali mahakamani kama hawatapewa leseni ya uchimbaji madini.

Hatua hiyo inatokana na kile ambacho wanasema kuwa inawezekana Ofisi za serikali zinaendeshwa kiujanja ujanja na utapeli hususani katika Wizara ya Nishati na Madini kwa kuwapendelea wachimbaji wakubwa na kuwakandaniza wachimbaji wadogo.

Akizungumza na Tanzania Daima Katibu wa umoja huo Felisian Anthony, alisema kuwa serikali kupitia Wizara ya nishati na Madini wanatakiwa kuingilia kati utoaji wa lesemi kwa wachimbaji hao kwani wametimiza vigezo vyote amavyo walitakiwa kutimiza kwa mujibu wa maelekezo ya maofisa Madini.

Alisema kunaonekana kuwepo kwa dalili mbaya ya kutaka kuwazunguka waombaji hao jambo ambali mpaka sasa linawafanya waombaji hao kukata tama na kujikuta wakiendelea kuwa masikini wa kutupwa wakati maeneo yao yana madini.

“Sisi ni wazawa na maeneo yetu yana madini na ndiyo maana tuliamua kutumia maeneo yetu kuomba kuchimba kwa kufuata taratibu zote lakini hapa kuna mchezo ambao unataka kuchezwa ili tusipate leseni ya uchimbaji na hili haliwezi kuvumilika “ alisema katibu.

Alisema kikundi hicho chenye wanachama zaidi ya 97 waliomba kuchimba madini katika maeneo ambayo ni mashamba yao kwa kuzingatia sera ya madini ya kumtaka mzawa ambaye yupo katika eneo lake akigundua kuwa kuna madini anaweza kufuata taratibu na kuweza kuchimba.

Kwa mujibu wa maelezo ya Anthony alisema kutoka na sera hiyo wanachama hao kwa kushirikiana walibaini maeneo yao ambayo wanaishi yalikuwa na madini ya dhahabu hivyo kuamua kufanya taratibu za kuomba leseni kama wachimbaji wadogo ili waanze kuchimba madini hayo wakiwa na matumaini ya kujikwamua kiuchumi.

Alisema kuwa kutokana na hali hiyo walianza mchakato wa kufuatilia eneo hilo ikiwa ni pamoja na kuomba usajili wa eneo hilo mwaka juzi (2011) na kufanikiwa kupata cheti cha usajili.

Alisema kuwa mnamo Ocktoba tisa 2011 walikwenda katika ofisi ya madini ya Kahama kwa ajili ya kupata utaratibu wa umilikaji wa eneo la uchimbaji wa madini na upatikanaji wa leseni.

Akitoa maelezo Katibu wa kikundi hicho alisema kuwa kutokana na juhudi zote na taratibu zilizofanywa na kikunbdi hicho Ofisa Madini Kutoka Kahama,aliyemtaja kwa jina la Nkya, alikubaliana na wanachimbaji hao na kuwataka walipie ada ya upimaji ambayo ilikuwa ni shilingi laki mbili abayo ililipwa kwa viwanja 10 ambavyo ni sawa na heka 50.