KAFULILA : CCM INAKIUKA ILANI YAKE

MBUNGE wa Kigoma Kusini David Kafulila (NCCR-Mageuzi),amemchachafa Waziri Mkuu Mizengo Pinda kwa kusema kuwa serikali inayoongozwa na Chama cha mapinduzi imekuwa ikigawa ikikiuka ilani ya chama chao ambayo inaelekeza kwa ardhi ni ishara ya ujamaa na badala yake wamekuwa wakiwabeba mabepari kutoka nchini marekani ambao wanapatiwa ardhi huku wazawa wakinyanyaswa.

 Kafulila aliitoa kauli hiyo jana bungeni bungeni wakati wa kipindi cha maswali ya papo kwa papo kwa Waziri Mkuu, kwa kuhoji ni kwanini serikali imekuwa ikitumia mfumo wa kibeneru katika ugawaji wa ardhi kwa wawekezaji na kusahau kuwa ardhi kwa Tanzania ni hishara ya ujaamaa.

Mbali nahilo alitaka kuelewa ni kwanini wawekezaji wamekuwa wakipewa ardhi kubwa wakati wenyeji wakifukuzwa katika maeneo yao kwa ajili ya kuwapatia ardhi hiyo wageni hususani pale inapobainika kuwa ardhi hiyo ina rutuba.

Mbunge huyo alitolea mfano katika jimbo la kigoma kusini ambapo mwekezaji ambaye alimtaja kwa jina la Agrosol kupewa hekta 10,000 wakati eneo hilo ambalo alipewa mwekezaji huyo ambapo eneo hilo linakusudiwa kujengwa makao makuu ya halmashauri.

Aidha alimtaja mwekezaji mwingine kuwa ni FELISA kupewa hekta 3000.jambo ambalo lilipelekea kikosi cha mgambo wa mwekezaji huyo kuwapiga wananchi na kuwapeleka katika kituo cha jeshi la polisi na kusababisha wakazi hao kufunguliwa kesi katika mahakama ya mwanzo ya Mwandiga.

Kwa mujibu wa maelezo ya Kafulila alisema kutokana na serikali kuwa na tabia ya kuwapa kipaumbele wawekezaji wakubwa kupewa ardhi huku wazawa wanaendelea kutaabika kunaweza kutokea machafuko makubwa ambayo yatakuwa yamesababishwa na serikali yenyewe.

Kutokana na kauli hiyo ilimppelekea Wazri Mkuu Mizengo Pinda kudai kuwa pamoja na kuwa suala la uwekezaji wa wageni kupewa ardhi kubwa kwake binafsi siyo dhambi bali kinachotakiwa ni kufuata utaratibu wa utoaji wa ardhi.

Hata hivyo  Waziri Mkuu, akijibu swali hilo alisema kuwa yeye binafsi haoni kama wawekezaji kutoka nje kupatiwa ardhi ni dhambi jambo ambalo lilizua ubishani kati ya Waziri Mkuu na Kafulila .

Kafulila alisema kuwa yeye mwenyewe anaona wazi kuwa kitendo cha wageni kupatiwa ardhi kuwa kwa madai kuwa ni wawekezaji wakubwa na wenyeji kuendelea kunyanyasika ni dhambi kubwa kwani kunaweza kukatokea machafuko kutokana na wawekezaji hao kuonyesha vitendo vya kuwatharirisha wazawa katika maeneo yao ambayo wanayapisha kwa ajili ya wawekezaji wakubwa.

Hata hivyo Kafulila alisema  ugawaji wa ardhi kwa wawekezaji wakubwa kutoka nje, uakuwa na mashinikizo makubwa kutoka kwa vigogo wa serikali kuu hata kama halmashauri zitakuwa zimekaa na kupitisha maamuzi ya kumkataa mwekezaji huyo.

Hata hivyo Pinda alikiri kuwa suala la ardhi ni suala ambalo linagusa hisia za watu wengi na hivyo serikali inatakiwa kuzingatia zaidi vigezo ambavyo vinatakiwa kabla ya kutoa ardhi kwa mwekezaji.

Aidha alielekeza kuwa halmashauri zote nchini zinatakiwa kushiriki vyema na kuwashirikisha viongozi wote wa serikali za mitaa ili kuweza kuondokana na matatizo ambayo yanaweza kujitokea na kusababisha kuwepo kwa mgongano kati ya mwekezaji na wananchi ambao ni wazawa.

Hata hivyo Pinda alisema kuwa kama utaratibu wa kuwapata wawekezaji utakuwa mbaya ama watanzania watakuwa awapendi kuwepo kwa wawekezaji wa ardhi ni wazi ardhi hiyo itakuwa mapori ambayo yatakuwa yametapakaa.

“Sawa pamoja na kuwa suala la ardhi linahitaji uangalifu mkubwa lakini tukiwakataa wawekezaji kutoka nje ni wazi kuwa tutakuta kunayaruka mapori tu asubuhi hadi jioni” alisema .

Hata hivyo Pinda alimkemea Kafulila na kumtaka aache kumkoromea na badala yake akaonane na uongozi wa halmashauri kwa ajili ya kupamga utaratibu wa kutoa ardhi kwa wawekezaji wa ardhi kutoka nje ya nchi.